आयुष्यात थ्रिलिंग गोष्टी घडाव्यात ही प्रत्येक तरुण मनाची इच्छा असते आणि ती पूर्ण करण्यासाठी प्रत्येकजण संधी शोधत असतो. रोजच्या दैनंदिनीचा कंटाळा आला कि निसर्ग हवाहवासा आणि गरजेचा वाटू लागतो, त्यावेळी फक्त डोंगर- पर्वतांची पहाट डोळ्यात होतेच आणि एव्हरेस्ट पार करून ‘कदमो में ये जहाँ’ म्हणत आकाशाला गवसणी घालावी असे वाटते. ऑक्टोबर सुरुवात झाली कि भारतातील युवा ट्रेकिंगच्या तयारीत असतो. ट्रेकिंग साठी अनोखी धाडसी जागा शोधणे, नयनरम्य देखाव्याची उंची ठिकाणे पाहणे, उंच थंडगार शिखरांवर अगदी स्वर्गानुभव घ्यावा असं प्रत्येकाला वाटते. भारतात ट्रेकिंग म्हटले कि आकाशाला गवसणी घालणारा हिमालय सर्वांच्या डोळ्यांसमोर येतो. तेथील उंच शिखरांना आपल्या कवेत घ्यावे ही गिरीप्रेमींची सुप्त इच्छा असतेच आणि ही संधी लवकरच तुम्हाला देत आहे इज इंडिया ट्रॅव्हल. अगदी मार्च अखेर पर्यंत ट्रेकचा आनंद तुम्ही घेऊ शकता.

भारताच्या हिमालयीन पर्वतरांगांचा विस्तार भारतामध्ये जम्मू व काश्मीर, हिमाचल प्रदेश, उत्तराखंड, सिक्कीम, अरुणाचल प्रदेश या राज्यांमध्ये आहे. जगातील सर्वांत उंच १२ शिखरांपैकी ९ शिखरे येथे आहेत. साधारणतः ७,३०० मी. पेक्षा अधिक उंचीची ३० शिखरे येथे आहेत. आयुष्यातील सुंदर आणि विलोभनीय क्षण अनुभवण्यासाठी, टिपण्यासाठी तुम्ही येथे नक्की भेट देऊ शकता. बर्फाळ मस्ती, हिरवा निसर्ग, सुंदर तळी, छनछन करत दिलखुलास नाचणाऱ्या लांबसडक नद्या, मनमोहक हवेचे झोके तुम्हाला या धाडसी ट्रेकवर चिरकालीन आनंद देतील. मार्च अखेरपर्यंत येथे तरुणोत्सव साजरा होत असतो, अनेक गिरीप्रेमी अगदी या ट्रेकच्या आनंदात आकंठ बुडून जातात. इज इंडिया ट्रॅव्हल तुम्हाला घेऊन जात आहे हिमाचल प्रदेश, कारगिल, लडाख, बस्तर, सिक्कीम आणि अरुणाचल प्रदेश येथील उंच ठिकाणांवर दिलखुलास ट्रेकिंगसाठी.